Ўзбек

Surah At-Tariq ( The Night-Comer ) - Aya count 17

وَٱلسَّمَآءِ وَٱلطَّارِقِ ﴿١﴾

Осмон билан қасам ва ториқ билан қасам.

وَمَآ أَدْرَىٰكَ مَا ٱلطَّارِقُ ﴿٢﴾

Ториқ нималигини сенга не билдирди?

ٱلنَّجْمُ ٱلثَّاقِبُ ﴿٣﴾

У нур сочиб турувчи юлдуздир.

إِن كُلُّ نَفْسٍۢ لَّمَّا عَلَيْهَا حَافِظٌۭ ﴿٤﴾

Ҳеч бир жон йўқки, унинг ҳифз қилиб турувчиси бўлмаса.

فَلْيَنظُرِ ٱلْإِنسَٰنُ مِمَّ خُلِقَ ﴿٥﴾

Инсон нимадан яралганига назар солсин.

خُلِقَ مِن مَّآءٍۢ دَافِقٍۢ ﴿٦﴾

У отилиб чиқувчи сувдан яратилгандир.

يَخْرُجُ مِنۢ بَيْنِ ٱلصُّلْبِ وَٱلتَّرَآئِبِ ﴿٧﴾

У (сув) сулб (умуртқа) ва тароиб (кўкрак суяги) орасидан чиқадир.

إِنَّهُۥ عَلَىٰ رَجْعِهِۦ لَقَادِرٌۭ ﴿٨﴾

Албатта У зот уни қайта тирилтиришга қодирдир.

يَوْمَ تُبْلَى ٱلسَّرَآئِرُ ﴿٩﴾

Сирлар фош бўладиган кундадир.

فَمَا لَهُۥ مِن قُوَّةٍۢ وَلَا نَاصِرٍۢ ﴿١٠﴾

Бас, (ўшанда) у(инсон)да қувват ҳам, нусрат берувчи ҳам бўлмайдир.

وَٱلسَّمَآءِ ذَاتِ ٱلرَّجْعِ ﴿١١﴾

Қайтувчи (ёмғир) соҳиби бўлган осмон билан қасам.

وَٱلْأَرْضِ ذَاتِ ٱلصَّدْعِ ﴿١٢﴾

Ёриб чиқувчи эгаси бўлган ер билан қасам.

إِنَّهُۥ لَقَوْلٌۭ فَصْلٌۭ ﴿١٣﴾

Албатта у(Қуръон) ажратувчи сўздир.

وَمَا هُوَ بِٱلْهَزْلِ ﴿١٤﴾

Ва у ҳазил эмасдир.

إِنَّهُمْ يَكِيدُونَ كَيْدًۭا ﴿١٥﴾

Албатта улар ҳийла-найранг қиларлар.

وَأَكِيدُ كَيْدًۭا ﴿١٦﴾

Ва Мен ҳам ҳийла қилурман. (Яъни, ҳийласига яраша жазо берурман.)

فَمَهِّلِ ٱلْكَٰفِرِينَ أَمْهِلْهُمْ رُوَيْدًۢا ﴿١٧﴾

Муҳлат бер кофирларга, уларга озгина муҳлат бер. (Яъни, уларга азоб келмаётганидан шошилма, ҳаммасининг вақти, соати бор.)